Аясгал – Үл хөдлөх хөрөнгийн менежмент, төсөл хөгжүүлэлтийн компани нь 2019 онд үүсгэн байгуулагдсан бөгөөд компанийнхаа 5 жилийн ойг тохиолдуулан нийгмийн хариуцлагын хүрээнд "Манай СӨХ-г Авраач" зорилтот цуврал нэвтрүүлгийг санаачлан хэрэгжүүлсэн билээ. Тус нэвтрүүлгээр СӨХ-д тулгамдаж буй асуудал, тэдгээрийн шийдэл, хууль эрх зүйн зохицуулалт, олон улсын туршлага, мэргэжилтнүүдийн зөвлөгөө, орчин үеийн менежментийн шийдлүүдийг олон нийтэд хүртээмжтэй хүргэхийг зорьсон юм. /Нэвтрүүлгийн I, II улирлын бүх дугаарыг Univision ➜ Кино багц ➜ Гэрийн TomYo цэсээс хүлээн авч үзээрэй./

Энэхүү ажлын үргэлжлэл болгон СӨХ-ийн удирдлагуудад зориулсан баримт бичгийн загвар, маягт, гарын авлага болон өдөр тутмын үйл ажиллагаанд ашиглах шийдлүүдийг мэргэжлийн түвшинд боловсруулж, ашиглахад хялбар хэлбэрээр хүргэж байна.

Мөн бид хөрөнгийн менежментийн салбарын экспертүүдийг урин оролцуулсан "Соёлтой өнгөлөг хот" подкастыг бэлтгэн хүргэдэг бөгөөд доорх холбоосоор хүлээн авч сонсоорой. www.youtube.com/@АЯСГАЛ

Монгол Улсад үл хөдлөх хөрөнгийн менежментийн салбар эрчимтэй хөгжих шаардлагатай байгаа энэ үед барилга байгууламжийг зөвхөн ашиглалтад оруулах бус, ашиглалтын дараах бүхий л хугацаанд үнэ цэнийг нь хадгалж, өсгөн нэмэгдүүлэхэд мэргэжлийн менежмент чухал үүрэгтэй. Энэ хүрээнд бид салбарын талаарх зөв ойлголтыг төлөвшүүлэх, чанартай менежментийн ач холбогдлыг таниулах, бодит туршлага, шийдлүүдийг түгээхээр хичээн ажиллаж байна.